Според најновите информаци од Клиничката болница во Битола, здравствената состојба на девојчето и по извршената операција е непроменета. Таа се наоѓа во вештачка кома, а лекарите на одделението за анестезија и реанимација се обидуваат со конезрвативна терапија да ја одржат во живот.
По неколкучасовната операција, хирурзите на Клиничката болница во Битола успеаја колку што може да ја стабилизараат, но таа и натаму се наоѓа во критична состојба.
Инаку тешката сообраќајна несреќа се случи во вторникот на магистралниот пат Битола – Ресен, кога се судрија две патнички возила марка „Тико“ со охридски регистарски таблички и „Форд ескорд“ со битолски регистарски таблички. По сударот, на местото на сообраќајката почина 45 годишната С.К, која управувала со возилото, а со тешки телесни повреди се здобија нејзините две малолетни деца Е.К. на возраст од 6 години и 16-годишната И.К. Малата Е.К. почина по само 40 минути откако ја примија во болницата, додека Ивона К се уште се бори за живот.
Патниците од возилото „форд ескорд“, пак, поминаа со скршеници и контузии и се наоѓаат во стабилна здравствена состојба.
Полицијата во Битола и јавното обвинтелство засега не излегуваат со информација, ниту за тоа како дошло до несреќата, ниту кој ја предизвикал, туку, како рекоа, ќе одговорат по вештачењето.
Нова Македонија
