Маскирани напаѓачи вооружени со оружје околу 13 часот се обиделе да извршат грабеж во златарница во Дебар.
Златарницата била во сопственост на семејството Еребара, а инцидентот се случил пред поголем број граѓани, бидејќи раздвиженоста на луѓе била зголемена поради празникот Рамазан Бајрам, пренесува Кајгана.мк.
Четири лица се примени во болница по вооружениот грабеж што околу 13 часот се случи во златарница во центарот на Дебар.
Меѓу ранетите е и сопственикот на златарата „Џити“, Меџит Еребара. Тој имал три прострелни рани и е пренесен во Скопскиот клинички центар. Според очевидци, Еребара не им дозволил на маскираните разбојници да го однесат златниот накит, по што врз него било пукано.
Вториот ранет е таксистот А. Цами кој е ранет во ногата, за кој очевидци тврдат дека им го попречил патот на маскираните разбојници.
Две други ранети лица се од Албанија. Тие се здобиле со полесни рани и во моментов се на сослушување во полициската станица во Дебар.
Полицијата трага по маскираните лица по периферните делови на градот и некои села во пограничниот појас кон Албанија.
Фото – Курир
