Хрватскиот министер за здравство Синиша Варга соопшти дека во пченкарни снегулки на некои производители во Хрватска е пронајден афлатоксин.
Станува збро за токсин кој го предизвикува влагата во просториите во кои се складира пченката
Иако, инспекциските служби се уште не завршиле со анализата на земените примероци, два хрватски трговски ланци, „Конзум“ и „Плодине“, веќе повлекоа од продажба некои од овие производи и апелираа да потрошувачите кои веќе купиле корнфлекс, да го вратат во продавниците.
„Конзум“ соопшти дека уште на 16 февруари од своите маркети и магацини за продажба на големо ги повлекол артиклите корнфлекс „К-плус“ и „Риал“ во пакувања од по еден килограм.
