Најпознатиот руски астролог Павел Глоба ги предвидел авионските несреќи кои се случуваат деновиве. Тој уште од 2009. година рекол дека 2014. ќе биде година на зголемен ризик, и предупреди на авионските летови.
Инаку, Глоба прв пат ги обзнани своите претскажувања на почетокот на 80-тите години од минатиот век, кога најавил дека „СССР наскоро ќе се распадне и дека во летото 1991. на улиците на Москва ќе има тенкови“. Според неговите зборови, околу 85 отсто од неговите предвидувања се исполниле.
Еве што уште кажал тогаш:
Украина ќе се распадне на три дела 2014. година.
Економската криза, која ќе продолжи до 2020. година, ќе ја прекрои политичката карта на светот. САД ги чекаат тешки времиња, а Украина и Европската унија ќе престанат да постојат.
– За доларот наредните две години ќе бидат многу тешки, иако колапс на американската валута се уште нема да се случи. Најтешкото време за доларот настапува 2017-2018. Доларот целосно ќе девалвира, банкноти ќе се лепат преку ѕидовите од тоалетите. Во таа смисла, еврото е посилна валута, рекол тогаш Глоба.
Наместо Европска унија ќе се појават неколку сојузи. Скандинавските земји ќе формираат Северен сојуз, а Франција, Италија и Шпанија ќе се соединат во Јужноевропски сојуз. Европската унија можеби ќе опстане како формација, но само на хартија.
Блокот на НАТО прво малку ќе зајакне, а потоа ќе престане да постои.
До крајот на 2020. година сите држави ќе преживеат тешки времиња, но на крајот од тешките години Русија ќе стане моќна империја и нов светски лидер.
На крајот на 2020. година целото човештво конечно ќе се збогува со кризата, која ќе биде наречена „Долга голема депресија“.
