Белата куќа не исклучува објавување на разузнавачки податоци за падот на малезискиот авион


САД можеби ќе ги стават на располагање на јавноста процените на американското разузнавање за падот на малезискиот „Boeing 777“ во источна Украина, изјави на редовниот брифинг во понеделникот навечер портпаролот на Белата куќа, Џош Ернест.

„Во моментов не можам да претставам конкретни процени на разузнавањето. Се разбира, можеби, ќе можеме тоа да го сториме во наредните денови“, изјави Ернест.

avion ukrainaПретходно во понеделникот началникот на Главната оперативна управа на Генералштабот на руската армија, генералот Андреј Картаполов на прес-конференција во Москва изјави дека авион од типот „Сухој Су-25“ на украинскиот воздухопловни сили се наоѓал на 3 до 5 километри од малезискиот авион кој подоцна се урна. Според него, тоа го регистрирал американски воен сателит.

Картаполов на прес-конференцијата се обрати директно до САД со молба да ги достават снимките од тој сателит. „Според нашите пресметки, од 17.06 до 17.21 часот (по московско време) на 17-ти јули над југоисточните области на Украина прелетал американски вселенски уред, овој апарат е експериментален космички систем развиен за откривање и следење лансирање ракети со различни дострели“, рече Картаполов. „Доколку американската страна поседува снимки од тој сателит, би ги замолил да ги обезбедат за меѓународната задница за детално проучување. Случајно или не, меѓутоа трагедијата на малезискиот Boeing и времето на набљудувањето на американскиот сателит на украинската територија се совпаѓаат“, изјави Картаполов.

Портпаролот на Белата куќа на барање да ги коментира тврдењата на руската страна, ги повторни обвинувањата за Москва за помош на бунтовниците во Украина.

„Русија продолжува со снабдувањето со тешко вооружување и обуки за ракување со него, вклучително и за противвоздушно. Украинските војници, според нашите податоци, не користеле противвоздушни ракетни системи. Изјавите на Русија за спротивното стануваат сѐ поочајни, во нив сѐ потешко е да се верува“, рече Ернест.

MK News

Автор инфо

No comments yet.

Остави коментар

UA-33057274-1