Право на глас на следните избори да имаат државјани на Република Македонија кои поседуваат важечки лична карта или пасош, е една од препораките на работната група за прочистување на Избирачкиот список што се состана денеска.
Според последниот извештај на МВР, 132.893 државјани на Република Македонија се без биометриски и важечки лични документи, а 32.070 од нив живеат надвор од државата. Вкупниот број на избирачи согласно 31 октомври 2012 изнесува 1.878.029 избирачи, информира Миа.
Државната изборна комисија изработи спот кој ќе се емитува на јавниот сервис и со кој ќе ги повика граѓаните кои се уште немаат извадено биометриски документи да го направат тоа.
