Фудбалската репрезентација на Бразил со победа над Хрватска од 3-1 (1-1) го отвори 20-то светско првенство. Најдобриот бразилски играч Нејмар, на премиерата на Мундијалот по 50-ти пат го облече дресот на националниот тим, а јубилејот го зачини со два гола.
Премиерниот натпревар на Мундијалот мина во знакот на скандалозната одлука на јапонскиот судија Нишимура, кој во 69.минута му подари пенал на Бразил. Пеналот, во гол со многу среќа го претвори Нејмар.
Претходно, Хрватите ја шокираа Коринтијанс Арена во 11.минута, кога нафрлувањето на Олиќ, Марсело го спроведе во сосптвената мрежа. Авто-голот на Марсело е прв за Бразил во историјата на светските првенства.
По постигнатиот гол, Хрватска ја покажа определбата да го брани својот гол, препуштајќи им ја играта на Бразилците.
Теренската надмоќ, Бразил во гол ја претвори во 29.минута, Нејмар освои топка на средината од теренот, непречен стигна до зоната за шут, упати удар од 22 метри, кој мина низ нозете на Ловрен и заврши во голот на Плетикоса.
Во продолжение на акцијата Осакр повлече контранапад кој самиот го реализираше и го постави конечниот резултат на натпреварот. Бразил-Хрватска 3-1.
