Дејан Арсовски од Драчево е човекот кој денеска го фати крстот од осветените води на Вардар.
Како што тој изјави, ова е прв пат да скока по крстот, а на ваков чекор се одлучил во чест на својот син Војдан, на кој денеска му е именден.
– Денеска скокам заради синот Војдан, кому му е именден и има една година и два месеца. Се надевам дека ќе ме послужи среќа, здравје и успех во работата, рече Арсовски, кој работи во берберски салон „Малеш“.
Инаку, тој се натпреваруваше со уште 172 лица кои исто така скокнаа по крстот во реката Вардар.
Прес24
