Девојки фатени како крадат во шопинг центар во Скопје


Две девојки направиле план како да си ја подноват гардеробата без за тоа да се потрошат пари.

– Девојките во детали скроиле план, одбрале облека, успеале да ја скријат, но при обидот да ја напуштат продавницата каде што “пазареле”, биле запрени и фатени за кражба.

Планот останал јалов бидејќи, при планирањето не предвиделе дека можат да бидат забележани од физичкото обезбедување. Приказната е вистинита, објавена на страницата на една агенција за обезбедување.

-Кражбата е евидентирана дека се случила вчера во бутик лоциран во скопски шопинг центар. Во 20,40 часот, физичкото обезбедување телефонски го контактирало дежурниот оперативен центар, барајќи во објектот да се прати патрола.
Обезбедувањето побарало асистенција од патролно, сомневајќи се дека две женски лица кои подолго време се задржале во бутикот со себе носеле голема торба во која најверојатно криеле облека, која имале намера да ја украдат.

Сомневањето на обезбедувачот се покажало вистинито. Одговорното лице од бутикот во присуство на патрола извршиле проверка на торбата по што било констатирано дека облеката е од бутикот бидејќи на истите се уште стоеле алармните уреди.

Девојките со себе имале торба од алуминиумска фолија и истата најверојатно била специјално изработена со цел да го оневозможи уредот да се активира и алармира дека од бутикот се изнесува стока. На овој начин девојките се обиделе да изнесат поголема количина на облеката без да ја платат

Sitel.mk

Tags:

MK News

Автор инфо

No comments yet.

Остави коментар

UA-33057274-1