Стручното жири од повеќе земји и македонската публика го одбраа победникот на овогодинешниот Скопски фестивал, кој ќе ја претставува Македонија на Евросонг 2015 во Виена, Австрија.
Даниел Кајмакоски освои најмногу гласови и од телевоутингот и од жирито и освен што ќе ги брани боите на Македонија освои и парична награда од 20.000 евра.
Второпласирана е Тамара Тодевска со нумерата „Брод што тоне“ и освои 15.000 евра. Наградата од 10.000 евра и третото место и припаднаа на Еги која се претстави со нумерата „Да не те сакам“.
