Премиерот Груевски денеска за 10-пати ја намали сумата како оштета за клеветата. Сега од Заев бара 50 илјади евра.
Не постои сума која ќе ги надомести последиците и чувствата кои ваквите клевети му ги нанесоа на тужителот. Главен мотив на тужителот е докажување дека тужениот изнел груби невистини со намера нарушување на угледот и честа и дека во никој случај намерата не е да добие материјална надомест, истакна адвокатот на Груевски.
„Евтин трик со којшто се намалува оштетното побарување од 500 на 50 илјади евра, апсолутно е ирелевантно и неважно за целиот овој процес. Во целиот овој процес треба да се утврди дали тужителот договарал, дали е тоа неговиот глас и дали учествувал во продажбата на Македонска банка“, изјави Заев.
