Брачен пар од Полска викендов толку многу брзал за на летување, па едноставно го оставиле своето двегодишно дете на аеродром бидејќи му била истечена патната исправа.
– Тешко е да се утврди од што се раководеле родителите да го направат ова. Сигурно дека ќе ги провеиме сите околности и дека ќе ги сослушаме и родителите кога ќе се вратат од летување, изјавил за полските медиуми Рафал Бичиско претставник од тамошната полиција.
Во страв да не им избега авионот и да не им пропаднат платените аранжмани родителите со брзање го предале девојчето на лице на аеродромот да го причува додека по него не дојдат неговите баба и дедо.
Службите на аеродромот повикале полиција која пак не ја исклучува можноста целиот случај да заврши на суд.
– Доколку се докаже дека во било кој момент било загрозено здравјето и животот на детето на родителите им се заканува казна затвор од пет години – изјавил Бичиско.
