Копилотот на авионот на Џерманвингс Андреас Лубиц, кој минатата недела го урна ербасот А320 со 150 патници и членови на екипажот, ја информирал компанијата Луфтханза во 2009 година дека пати од „тежок депресивен период“, јавува германски Шпигел.
Компанијата на обвинителите во Дизелдорф им испратила документи кои ги открила при дополнителна интерна истрага, а биле направени за време на обуката на Лубиц, како и негови медицински документи. Меѓу нив е и копијата од имејлот во кој Лубиц ги информира за својата болест.
Лубиц тренингот во пилотската школа на Луфтханза во Бремен ја продолжил по прекин од половина година, бидејќи лекарите на компанијата оцениле дека е „способен за летање“.
