Лоши прогнози за времето на Балканот


Тропските горештини оваа година можат да бидат уште понеподносливи доколку не биде спречено глобалното затоплување, сметаат научници од американската независна организација „Climate Central“.

Посебно загрижува списокот на десетте градови, во кои летните температури постојано се зголемуваат и се прогнозира таквите тенденции да продолжат до 2100 година.

Првите три места на листата ги заземаат градови на Балканот. Температурите во Софија, доколку продолжи емисијата на штетни гасови, до крајот на веков ќе се зголемат за 8,4 степени, а истото се однесува и за Скопје. Трет на листата е Белград, за кој се предвидува зголемување на температурите за 8,3 степени.

Организацијата наведува дека во цел свет летните периоди стануваат многу потопли, а до крајот на векот ситуацијата ќе биде драматична доколку не прекине загадувањето на воздухот. Особено загрозени ќе бидат градовите чие население постојано се зголемува, па поради тоа температурите во нив би можеле да бидат за 7,8 степени потопли отколку во руралните области.

Моментно околу 54 отсто од населението во светот живее во градовите, а до 2050 година се очекува градското население да се зголеми за 2,5 милијарди жители.

MK News

Автор инфо

No comments yet.

Остави коментар

UA-33057274-1