Македонски конзул бара 360.000 долари отштета од позната телевизија


Познатата ТВ „Фрекуенсија латина“ без да провери емитувала прилог во кој посочила оти почесниот конзул Деан Атанасовски претепал полицаец, а потоа бил приведен, што не било точно, па затоа сега конзулот најавува тужба и бара отштета за нарушениот углед

konzul 3Македонскиот почесен конзул во Перу, Деан Атанасовски, од телевизијата ќе бара да му исплати 360.000 долари оти емитувала прилог непроверено и тенденциозно, како што вели Атанасовски, за да му наштети на неговиот углед. Пред да донесе одлука да поднесе тужба, конзулот најпрво писмено ги предупредил дека бара од нив „јавно извинување“, во спротивно, ќе треба да одговараат според прописите на перуанското казнено право.

– Дадоа сосема куса изјава дека „згрешиле во информирањето“, но тоа не е извинување како што треба, бидејќи, според законот, тоа треба да трае исто колку што траеше самиот прилог со кој ме навредија, односно наклеветија. Значи треба да се извинуваат три минути, што практично е нелогично за една телевизија, па затоа одам на суд – објаснува Атанасовски за „Дневник“.

MK News

Автор инфо

No comments yet.

Остави коментар

UA-33057274-1