Откако денеска почина пациент на Клиниката за инфективни болести, а во Македонија бил сместен во хотел во скопскиот трговски центар „Мавровка“, таму има засилено полициско присуство, присутни се и здравствените власти, а забрането е и приближување до хотелот, објави Сител.
Засега нема прецизни информации дали тој починал од ебола, но бил хоспитализиран со симптоми слични на оваа болест. Исто така, на Клиниката се наоѓа и неговиот пријате со кој заедно дошле во Македонија, кој се третира.
Целиот персонал на хотелот, како и медицинскиот персонал кој бил во контакт со починатиот Британец, се наоѓа во карантин.
Евакуирани се и гостите од хотелот, кои се препратени на лекарски преглед.
Наводно, лица во скафандери пред одредено време влегле во хотелот, но засега нема потврда за оваа информација.
