Сонко Тиџан успеал на своите 28 години да ги излуди девојките во Австрија. Тој истовремено имал 16 различни жени кои верувале дека се единствени. Сепак, преку Фејсбук е откриена неговата измама и сега е во затвор.
Познат е како рекордер во бигамија, бидејќи има 4 сопруги, 7 вереници и 5 девојки. Откако две од жените случајно сфатиле дека се омажени со истиот човек и го пријавиле во полиција, успеале да го фатат на аеродромот во Виена.
Заводникот имал по некоја жена низ цела земја и ги користел за да преспие кај нив, да има каде да остане некој ден ако е во близина или за да му позајмат пари, кои никогаш не ги вратил.
Неговото разоткривање започнало откако ја запознал Соња Мајар која верувала дека тоа е љубов на прв поглед кога го видела во некој локален бар.
Тиџан (28), кој потекнува од Гамбија ѝ кажал дека исто така се чувствува и за кратко време се венчале и покрај противењето на нејзиното семејство. По година дена среќен брак Соња останала трудна. Но, еден ден на Фејсбук нашла жена со исто презиме и маж кој многу личи на нејзиниот маж. Почнала да го пребарува профилот на жената и сфатила дека имаат заеднички сопруг.
Двете жени воспоставиле контакт и го пријавиле во полиција. Тоа ги одвело до откритието дека не се само тие две, туку дека тој има 16 различни жени кои веруваат дека се единствени, а со 3 од нив бил оженет. Најмладата сопруга имала 22 години, а најстарата 44 години.
Четвртата жена му е во Африка и со неа има 3 деца.
Сега е уапсен и ќе му се суди за незаконска бигамија, но мора да му се признае дека не може секој истовремено да има 16 жени.
