Народно верување: Неротката која ќе се помоли денеска ќе добие дете


Во спомен на воведението или воведувањето на тригодишната Марија во храмот Светата црква го востановила празникот Воведение што се празнува на 21 ноември по стариот (или на 4 декември по новиот) календар. Црковното предание за воведувањето на Богородица во храмот започнало да се запишува уште во вториот век, во текстови познати под името апокрифи. Во четвртиот и петтиот век ова предание било познато во целиот христијански свет. Преданието раскажува дека царицата Елена подигнала црква посветена на Воведението.vavedenje-foto-wikipedija-1386065499-406903-91347

Празникот Воведение почнал да се празнува многу касно. Се претпоставува дека се празнува од четвртиот век, но во пишаните документи се среќава од осмиот век. Во почетокот немал елементи на голем празник туку само како обичен спомен. Подоцна го среќаваме со претпразненство и попразненство. На иконите овој настан е насликан така што од едната страна стои првосвештеникот на старозаветната црква кој ја пречекува малата Марија на вратата од храмот, придружувана од група девојчиња со запалени свеќи, а тука се и родителите на Марија и другата придружба.

Во Гевгелиско овој ден се сметал за тежок празник, особено за тие што имале деца. Народот верувал дека цело лето немало да има болести ако тој ден дувал ветер или ако имлоа мраз. Но ако врнело тогаш ќе имало многу болести. Многумина тој ден се причестувале.

Празникот Воведение на Пресвета Богородица во храмот ни го истакнува за углед односот на праведните Јоаким и Ана, нивното исполнување на ветеното, но и нивната грижа за правилно воспитување на нивното дете. Но овој празник и денес е актуелен со тоа што укажува на потребата родителите да се заложат за правилно воспитување на своите деца, за осознавање на вредностите на својата вера, но и за одбрана од негативните пороци коишто денес ја уништуваат нашата младина.

Богородица се смета за заштититничка на родилките и различни народни верувања се врзани за моќта на иконите на кои таа е претставена. Според народните верувања, сточарите го слават Воведување за Богородица да им ја заштити стоката од ѕверовите, а според времето на овој ден се претскажува родот на нивите – ведрото небо ветува добар принос.

На денешен ден имало обичај побогослужбата да се остане во црква и дека тука првпат треба да се појават невестите кои се омажиле таа есен, а има и верување дека неротките треба да остнат цела ноќ во црква и да се молат да добијат пород.

MK News

Автор инфо

No comments yet.

Остави коментар

UA-33057274-1