Неговото тело го запалија среде Белград – денеска се празнува свети Сава


Денеска е Св. рамноапостолна Нина Грузиска и св. Сава.

Света Нина потекнува од благородничко кападокиско семејство. Од мала била воспитана во Христовиот дух. Подоцна отишла во Грузија, го покрстила грузиското царско семејство и до крајот на животот (335 г.) ја обиколила цела Грузија, проповедајќи го Христос. Света Нина е просветителка на Грузија. Има слично значење како свети Кирил и Методиј словенските народи.

Денес се слави и свети Сава, првиот српски архиепископ.

Син на српскиот жупан Стефан Немања, се роди во 1169 година. Како млад жеднееше за духовен живот, заради што побегна на Света Гора, каде што се замонаши и со ретка ревност го мина сиот подвижнички раст. Немања тргна по примерот на синот, па и самиот дојде на Света Гора, се замонаши и умре како монах Симеон. Сава издејствува кај царот и кај патријархот независност за српската Црква и стана прв архиепископ српски. Заедно со татко му го подигнаа манастирот Хилендар, а потоа и многубројни манастири, цркви и училишта по српската земја. Двапати патуваше на поклонение во Светата Земја. Ги измируваше своите браќа раскарани околу власта, ги измируваше Србите со соседните народи. Се упокои во Трново, во времето на царот Асен, откако се разболе после литургијата на Богојавление, на 12 јануари 1236 година. Кралот Владислав му го пренесе телото во Милешево, од каде што Синан паша го зеде и го запали на Врачара во Белград, на 27 април 1595 година.

Со свечена академија во Македонската опера и балет вечерва српската зедница во земјава ќе го одбележи Националниот празник на Србите во Република Македонија, Свети Сава.

На свечената академија најавено е обраќање на претставници од Македонија и Србија, а ќе учествуваат и претставници од јавниот и културниот живот, симфонискиот оркестар и хорот на РТС, актери од Народниот театар од Белград и Народниот ансамбл „Венац“ од Грачаница.

Share Button
MK News

Автор инфо

No comments yet.

Остави коментар

UA-33057274-1