По победата, новинарите добија ќотек во штабот на Земан


Чешката полиција поведе истрага откако редарите и симпатизерите на чешкиот претседател Милош Земан ги нападнаа новинарите во изборниот штаб.

Тие синоќа со боксови ги напaднаа акредитираните новинари, скршија камера на чешката приватна телевизија ТВ Нова и ги навредуваа медиумските работници.

Нападот се случи во хотелот ТОП во Прага, каде што во изборниот штаб се славеше победата на претседателот Земан по вториот круг на изборите.

Еден од редарите ја фрли камерата на земја на приватната телевизија, а во тепањето се приклучи и еден од гостите на претседателот со иста жолта новинарска пропусница кој со боксови го нападна еден од новинарите.

На насилството не беа поштедени и новинарките.

Од кабинетот на претседателот се правдаат дека напаѓачите не се државното обезбедување на претседателот и ги повикаа новинарите на кафе како гест на извинување.

MK News

Автор инфо

No comments yet.

Остави коментар

UA-33057274-1