Државната изборна комисија рано утрово го прифати приговорот на ВМРО-ДПМНЕ за избирачкото место број 1727 за општина Струмица.
Што се однесува до другите два приговора за гласачките места 1730 и 1734 расправата ќе продолжи.
Станува збор за гласачките места кај „старата кожара“, во ООУ „Никола Вапцаров“ и во ООУ „Маршал Тито“ во градот Струмица за кои ВМРО-ДПМНЕ има поднесено приговори за неправилности во гласањето, и на 7-ми април може да има прегласување.
Вкупниот број на гласачи во овие три места е 3.255, од кои на локалните избори во неделата излегле да гласат 2.553 граѓани. Од нив, 1.436 граѓани гласале за кандидатот на СДСМ, Зоран Заев, 1.034 за кандидатот на ВМРО-ДПМНЕ, Васил Пишев, 10 за Ристо Божијанов од СДПМ, 6 гласови за Панче Јаков од СДУ, а 67 биле неважечки.
Расправата продолжува во текот на денот, па доколку се прифатат сите три приговори, во Струмица ќе има втор круг на гласање за градоначалник на локалните избори.
