Пријава до МВР – „ќе се бомбардира Судот во Тетово, големa количинa експлозија има внатре“


Триесет и деветгодишната тетовка Н.Ј, денеска околу 8 часот и 40 минути пријавила во Полициската станица Тетово дека утрото кога влегла во нејзиниот деловен објект ( адвокатска канцеларија ), лоцирана на улица „Струшка“ во Тетово, на подот забележала писмо.policija 192 call centar

Го подигнала, отворила и во него се наоѓал лист хартија на кој рачно, со кирилично писмо, било напишано: „На 13 април ќе се бомбардира Судот во Тетово, големa количинa експлозија има внатре, доста игравте со народот, соопштение ОВК“.

Веднаш е известен јавен обвинител кој дал насоки за мерките и активностите што треба да се превземат, по што повеќе служби на СВР Тетово испратени се во и околу објектот на Основниот суд Тетово, а известени се и соодветните служби на Министерството за внатрешни работи во Скопје.

Нешто подоцна, по 13 часот, припадници на Единицата за антитероризам на МВР извршиле комплетно пребарување на внатрешноста на објектот и просторот околу истиот, при што не се пронајдени никакви експлозивни или други средства.

Извршен е комплетен увид и Секторот за внатрешни работи Тетово работи на расветлување на сите поединости-кој, зошто и со какви мотиви го оставил писмото во адвокатската канцеларија на Н.Ј и која била целта.

MK News

Автор инфо

No comments yet.

Остави коментар

UA-33057274-1