Долорес Ламбаша (32) загина вчера утрото во 6.30 во сообраќајна несреќа на автопатот А3, кај Велика Копаница.
На истата делница само 60 километри подалеку кон Загреб во 2007 год загина македонскиот пејач Тоше Проески. Беше октомври и беше 6.20 часот кога се случи страшната сообраќајка.
И во двете сообраќајки жртвите спиеле на совозачкото седиште, кога дошло до страшните судари.
– Жителите кои живеат долж делницата сметаат дека тој пат е проколнат, а за тоа ги обвинуваат подземните води и мрачните сили. Токму на тоа место возачите, наводно, гледале халуцинации и необјасниви појави. Една од страшните случки била во 1978 година, кога возач крај Нова Градишка видел перница со бебе. Нагло закочил и излегол од автомобилот, а перницата со бебето исчезнале, пишува српски Курир.
На таа делница, според возачите, не се необични ниту духовите. Маж со брада кој води коњ запрегнат за кочија е само еден од духовите кои возачите ги среќаваат.
Во седум години од 2006. до 2013. на истата делница во 2.293 несреќи загинале 54 луѓе, а тешко биле повредени 180 луѓе.
