„Присутните изразија длабока загриженост поради неизбежните негативни последици од овие агресивни дејства врз заедничките напори за борба против тероризмот“, изјави портпаролот Дмитриј Песков.
Тој рече дека Советот за безбедност, исто така, изразил жалење поради штетата што нападот ќе ја направи врз американско-руските односи, а се разговарало и за начините да се продолжи операцијата на руските воздухопловни сили во Сирија како поддршка на армијата на Асад.
Руската војска претходно соопшти дека ќе ѝ помогне на Сирија да ја зајакне својата воздушна одбрана по американскиот напад врз сириската воздухопловна база.
Русија денеска го суспендира меморандумот за согласност за безбедни летови во Сирија со Соединетите Држави по американскиот напад, а Москва побара и вонредна седница на Советот за безбедност на ОН.
