На главниот плоштад во градот тој беше пречекан со црвен ќилим и со овации од илјадници граѓани, кои носеа албански знамиња и пееја албански песни. Имаше и транспараенти на кои стоеше: „Прешево, Медвеѓа и Бујановац се Албанија“
Албанскиот премиер Еди Рама во рамки на официјалната посета на Србија ги посети Прешево, Медвеѓа и Бујановац општините со албанско мнозинство на југот на земјата. На главниот плоштад во градот Прешево тој беше пречекан со црвен ќилим и со овации од илјадници граѓани, кои носеа албански знамиња и пееја албански песни. Имаше и транспараенти на кои стоеше: „Прешево, Медвеѓа и Бујановац се Албанија“ и „Албанијо потребна си и на прешевската долина“. Во Прешево од вчера се поставени билборди на кои пишува „добредојде премиеру“, а утринава дојде и до помал инцидент кога непознато момче фрли црна боја врз еден од билбордите. Посетата на Рама на албанските општини во Србија се одвива под невидени мерки за безбедност при што се ангажирани огромен број припадници на српската жандармерија. На вториот ден од официјалната посета на албанскиот премиер на Србија се уште се чувствува нервозата по вчерашниот инцидент во Белград, кога тој пред српскиот колега Вучиќ зборуваше за независноста на Косово како за свршен чин со кој Србија мора да се помири.
