Албански знамиња, пукотници од различни видови оружја или петарди, возила обележани во боите на Албанија и интензивна употреба на автомобилските свирки може да се забележи вечерва низ дел од скопските и тетовските улици, јавува Република.
Дел од македонските Албанци вечерва слават нешто поврзано со фудбалскиот натпревар во Белград меѓу репрезентацијата на Србија и Албанија но не е јасно што.
Запрашани што прославуваат група млади Албанци велат дека се прославува настапот на Албанската репрезентација во Србија но не можат да кажат точно што точно е причина за прославата.
Тие не можат да кажат дали прославуваат за прекинот на мечот, за тоа што албанското знаме слета на теренот на стадионот на ЈНА, за тепачката меѓу играчите или пак за можноста мечот да биде добиен од Албанија со службен резултат, пишува Република.
