На почеток од полуфиналето на завршниот мастерс во „О2“ арената во Лондон меѓу Новак Ѓоковиќ и Кеи Нишикори, се случи голем инцидент, кој за среќа беше спречен.
Гледач сакаше да втрча на теренот токму пред почетокот на вториот гем, кога Јапонецот се подготвуваше за сервис.
Обезбедувањето брзо реагираше и го запре хулиганот пред трибините, зад рекламите кои го опкружуваат теренот.
Камерите веднаш го тргнаа кадарот од инцидентот, но на момент фокусот на режисерот се врати на тој миг, па можеше да се види што се случува во „О2“ арената.
