Скопјанец прегазил пешак, влегол во маркет и продолжил да вози- има неколку повредени


Неколку лица се повредени во сообраќајната несреќа што се случила на бул.„Македонско Косовска Бригада“ во Скопје, вчера наутро околу 07,40 часот.

Фото: Ѕид на сообраќајниот срам

Фото: Ѕид на сообраќајниот срам

Управувајќи „опел астра“ со скопски регистерски таблици, Ќ.О. (42) од Скопје изгубил контрола над возилото и удрил во пешакот Х.Р. (29) од Скопје. По ударот во пешакот, возачот продолжил со движење на возилото и со предниот дел удрил во влезната врата од маркет, по што продолжил да се движи во просторијата на маркетот и удрил во една од касите за наплата, во метални рафтови и во колички за пазарење, при што дошло до разнесување на предмети и стакло и дел од истите удриле во некои од вработените.

Во незгодата со тешки телесни повреди се здобил пешакот кој бил пренесен во ГОБ„Св.Наум Охридски“, каде му била укажана лекарска помош и истиот бил задржан на лекување.

Фото: Ѕид на сообраќајниот срам

Фото: Ѕид на сообраќајниот срам

По незгодата лекарска помош побарале и вработените од маркетот Ш.Ф. (25) А.С. (20), А.М. (22), С.О. (19), Ш.Х. (25) и С.Ј. (19) кои со возило на Итната медицинска помош биле пренесени во ГОБ„8-ми Септември“, каде им биле констатирани телесни повреди и истите биле пуштени на домашно лекување.

Од страна на увидна екипа од СВР-Скопје извршен е увид и се работи на целосно расчистување на случајот.

Share Button
MK News

Автор инфо

No comments yet.

Остави коментар

UA-33057274-1