Вечерва околу 21:10 часот почувствуван е земјотрес во Скопје, чиј епицентар, според официјалната страна на Last earthquaqes, е на 8 километри источно од главниот град, во близина на Јурумлери.
Земјотресот бил со јачина од 2,7 степени по Рихтер.
Земјотрес со јачина од 2.7 степени според Рихтер беше почувствуван во главниот град. Според информациите од Сеизмолошката опсерваторија, епицентарот бил 8 километри источно од Скопје и 3 километри северозападно од Јурумлери, на длабочина од 1 километар.
На социјалните мрежи луѓето веќе реагираат потсетувајќи се на минатогодишните посилни земјотреси кои се одвиваа речиси 10 дена по ред во септември.
Утрово беше почувствуван земјотрес во Прилеп, кој беше на границата меѓу Македонија и Грција, со јачина од 3,9 степени.
Вчера земјотрес од соседна Албанија со јачина од 5.2 степени беше почувствуван и во Македонија. Граѓаните во северозападна Македонија го почувствуваа потресот.
