Хрватската полиција и тајната служба со денови се подготвуваат за посетата на американскиот потпретседател Џо Бајден, но и други странски државници кои во среда стигнуваат на состанокот Брдо Бриони.
Македонската делегација ќе ја предводи Претседателот Ѓорѓе Иванов.
Во среда во Загреб, на улиците на кои ќе се движат гостите, ќе биде забрането да се излегува на терасите, да се пружаат алишта, да се изведуваат градежни работи, а ролетните мора да бидат спуштени.
За утре е најавено пломбирање на шахтите, поставување на снајперисти на стратешки јавни места, разни противексплозивни прегледи и максимално чувани колони на високите официјални лица кои ќе се движат низ градот, а чии точни рути полицијата не ги открива.
