Откако во сите светски медиуми одекна веста за убиството на манекенката Мирјана Пухар, почнаа разни шпекулации поврзани со причината за ова злосторство. На социјалната мрежа Инстаграм на сите им „паднала во око“ реченицата под фотографијата со Тајра Бенкс, која ни вели дека српската убавица можеби ја предвидела смртта.
Под сликата имало коментар „нашето време е ограничено, затоа немојте да го трошите на туѓите животи“, кој би можел да значи дека го претчувствувала злосторството.
Во меѓувреме е откриен идентитетот на нејзиниот убиец кој набрзо после убиството е уапсен и не се противел на апсењето. Според пишувањето на одредени американски портали, полицијата верува дека убиството е поврзано со дрога.
А дека Мирјана ја делела судбината со повеќето манекенки кои одат во „белиот свет“ сведочат и пишувањата на српските медиуми за нејзиното „бегање“ во Америка.
