Судар на два авиона на аеродромот во Торонто


Десетици патници беа евакуирани од авион во кој удри друг авион на аеродромот Пирсон во Торонто.

Во соопштение од администрацијата на аеродромот се нагласува дека авион на Санвинг ерлајнс слетал на аеродромот во Торонто и чекал на паркинг кога во него урило летало на Вестџет ерлајнс.

По сударот избил пожар, но нема повредени.

Од Вестџет ерлајнс соопштија дека имало неколку патници со лесни повреди, но сите 168 патници и шест членови на екипажот се безбедно евакуирани.

Компанијата Санвинг соопшти дека во време на сударот авионот бил празен и дека леталото го влечела фирмата Свиспорт интернешнал задолжена за копнени операции на аеродромот.

MK News

Автор инфо

No comments yet.

Остави коментар

UA-33057274-1