Тројца млади штипјани загинаа на патот Велес-Скопје во сообраќајна несреќа која доцна вечерта се случила во близина на наплатната рампа кај Петровец, јавува порталот Бриф.
Според информациите возилото марка Поло, се превртело во каналот патот во близина на рампата Петровец.
На патниот правец Скопје-Велес, на 500 метри пред наплатната рампа Петровец, возилото „Фолксваген Поло“ со штипска регистрација не успеало да ја фати кривината и ја пробило заштитната ограда, по што завршило во каналот којшто непосредно поминува покрај автопатот.
Во возилотo се превезувале тројца млади штипјани, на возраст помеѓу 20 30 години, кои се враќале дома од Скопје. Сите тројца го загубиле животот. На местото на несреќата присутни биле бројни полициски екипи, како и возило на противпожарната служба.
Во близина на несреќата веднаш пристигнале и дваесетина возила со штипска регистрација, роднини и пријатели на загинатите.
Штип е во шок, граѓаните масовно ги споделуваат нивните, а во знак на почит на своите профили ставаат црни слики.
Foto – Brif.mk
