Три тони злато расфрлени по писта: Од руски авион случајно испадна златото


Врата на рускиот товарен авион Ан-12 кој превезувал драгоцен метал случајно се отворила при полетувањето од аеродромот во Јакутск на далечниот исток на таа земја и по пистата се расфрлени околу 3 тони злато.

Во тек е истрага за овој инцидент.

Авионот Ан-12 на авиокомпанијата Нимбус полетал денеска од Јакутск за Краснојарск со 9,3 тони злато и други драгоцени метали, соопшти државниот истражен одбор.

Според прелиминарините информации пронајдени се 172 шипки со тежина од 3,4 тони, наведе Министерството за внатрешни работи на таа област и додаде дека дел од товарот испаднал затоа што вратата не била доволно прицврстена.

Авионот безбедно слетал на аеродромот Маган, 12 километри од Јакутск. Во авионот имало 5 членови на посадата и никој не е повреден.

Сликите објавени преку социјалните мрежи ги покажуваат златните шипки расфрлани по пистата.

MK News

Автор инфо

No comments yet.

Остави коментар

UA-33057274-1