Бројни пријатели и членови на семејството денес присуствувааа на последното збогум со легендарниот пејач Кемал Монтено, кој што ја изгуби борбата со долгата и тешка болест на 21 јануари. На загрепските гробишта Мирогој, денес огромен број на пријатели му оддале последна почит на славниот пејач. 
Својата богата кариера Монтено ја започна во шеесеттите години од минатиот век. Оттогаш, па се до неговата смрт, Кемал Монтено ја освојуваше публиката со мега популарните песни, а во текот на кариерата, тој објави вкупно 15 албуми.
Соработувајќи со огромен број на славни музичари, Кемал Монтено остави голема трага на музичката сцена во целиот регион, а во Македонија секогаш беше гостин кој предизвикуваше радост кај неговите фанови, но и самиот тој призна дека ужива кога е тука. 
