Двојно убиство и самоубиство утрово ги потресе жителите на скопската населба Аеродром.
Двете жени биле во станот на 5-ти спрат во зградата со број 44 на булеварот Авоној а убиството се случило пред очите на двете малолетни деца.
Од МВР потврдено е дека починати се три лица, сите од Скопје, на возраст од 31 до 36 години.
-Според првичните информации станува збор за две сестри, Билјана (31) и Наташа (34), како и маж на возраст од 36 години, кој најверојатно е сторител на двојното убиство, по што се самоубил, истакна помошник министерот за односи со јавност во МВР, Иво Котевски.
Драмата започнала околу 11 часот, кога 36-годишниот Игор дошол во станот на Наташа, која седела со сестрата Билјана, по што Билјана му отворила врата, а тој се заканил да не заминува од станот, а потоа пукал во двете и сам си пресудил.
Игор се познавал со Наташа, која во станот живеела со двете малолетни деца на возраст од 7 и 9 години, но истиот не и е сопруг и не е татко на децата.
Покрај неговото тело бил пронајден пиштол со кој се претпоставува дека е извршено убиството, но истиот дополнително ќе се вештачи.
Скопјанецот и е претходно познат на полицијата поради што во 2004 му е поднесена кривична пријава за загрозување на сигурноста со опасно орудие при тепачка.
Котевски нагласи дека истрагата продолжува до целосно расчистување на случајот.
