46-годишниот Олег Бузина, од Украина кој е познат новинар и човек кој се смета за проруски ориентиран писател, бил изрешетан вчера пред влезот во зградата во која живеел во главниот град на Украина, Киев.
Бузина бил погоден со четири куршуми од огнено оружје истрелани од автомобил во движење, а еден од куршумите го погодил во глава.
Имено, тој ја подржувал федерализацијата и двојазичноста во Украина, а западните медиуми пишуваат дека бил проруски настроен.
Инаку, убиството на Бузина е второ кое се случило во Киев, во период од 24 часа. Претходно беше убиен и Олег Калашњиков, поранешен пратеник и член на партијата на чие чело некогаш бил Виктор Јанукович.
