Докторка од Стоматологија ќе остане и без лиценца и без работа. Правела заби и на клиника и во приватна ординација. Пациентите од стоматолошки клинички ги препракала во приватната здравствена установа каде повремено работела. Докторката вчера била фатена на дело од страна на инспектори на Државниот здравствен и санитарен инспекторат како правела протетика на пациент во приватната ординација, објави Сител.
Од ДСЗИ го потврдија случајот, но не сакаат да коментираат, повеќе информации најавија за утре Ова е спротивно на законот за здравствена заштита со кој од пред 3 месеци строго се забранува лекари од јавното здравство дополнително да работат во приватни установи. Според последните законски измени на докторката и се заканува времено одземање на лиценцата и до 7 години, а ќе ја загуби и работата на Стоматолошки клинички.
Освен докторката казнета ќе биде и приватната ординација која според законските измени треба да плати глоба од 4000 до 6000 евра зошто ангажирале лице кое не било наведено во дозволата за работа.
