Запрени американски војници на пат кон Украина – со оружје, без дозвола


На виенскиот меѓународен аеродром Швехат, австриската полиција уапсила група американски војници кои патувале во Украина со формациско вооружување.

Како што пренесува весникот Kurier, војниците немале одобрение за патување со автоматите М-16 и пиштолите, коишто биле пронајдени за време на рутинската контрола на багажот на аеродромот. Според сознанијата на весникот, инцидентот се случил пред неколку дена, кога девет американски војници патувале од Вашингтон на мисија во Украина.KRIM_AERODROM_VOJNIK

„Бидејќи за време на префрлувањето во Виена се појавил проблем со поврзувањето на летовите, тие морале да ја напуштат транзитната зона“, го пренесуваат медиумите објаснувањето на портпаролот на австриското министерство за одбрана, Михаел Бауер.

„Загриженоста на безбедносните органи било големо, бидејќи оружјето било транспортирано нелегално. Затоа, тие веднаш биле приведени и испитувани. Дополнително, биле информирани американската амбасада и Федералната служба за заштита на уставниот поредок и борбата против тероризмот на Австрија“, пишува весникот.

Како што дознава Кurier, Американците едноставно заборавиле да ги извадат неопходните одобренија. „Во одделни случаи, министерствата за одбрана и за надворешни работи имаат право да го одобрат транзитот на вооружени странски војници кои учествуваат во мировни операции, вежби и слично. Меѓутоа, немало никакво известување од нивна (американска) страна“, појаснил портпаролот Бауер.

Весникот, исто така, пишува дека барањето на американската амбасада предадено „по итна постапка“, било одбиено поради правни основи, по што војниците морале да се качат на првиот авион за Вашингтон, а им било дозволено оружјето да го земат со нив.

MK News

Автор инфо

No comments yet.

Остави коментар

UA-33057274-1