Џафери примен на инфективна, од ДУИ велат дека е негативен на Ковид-19


Талат Џафери, претседателот на Собранието, денеска е примен на Инфективната клиника при Универзитетскиот клинички центар во Скопје „Мајка Тереза“, јавува „360 степени“.

Информацијата за „360 степени“ ја потврдиле и од неговата матична партија, ДУИ.

На тестирањето е негативен, велат од ДУИ.

И од неофицијални извори, „360 степени“ дознава дека Талат Џафери бил негативен на тестот за Ковид-19, но дека повеќе симптоми укажувале на присуство на вирусот. Тој e во стабилна состојба, но има пневмонија.

Талат Џафери на 21 јули (во вторникот) за „Плусинфо“ изјави дека се тестирал за Ковид-19 и дека тестот му е негативен. Најави дека ако треба ќе направи уште еден тест, пред одржувањето на конститутивната седница на Собранието.

MK News

Автор инфо

No comments yet.

Остави коментар

UA-33057274-1