Италијанското обвинителство сомничи 20 лица за ненамерно убиство во случајот со паднатиот мост во близина на Џенова.
Обвинителството сомничи 20 лица за ненамерно убиство поврзано со минатомесечната трагедија , кога загинаа 43 лица при падот на мостот во близина на Џенова. Меѓу осомничените е и директорот на компанијата Аутострада , која ги одржува автопатиштата низ Италија.
Во несреќата се урнаа 220 метри од мостот Моранди , висок 45 метри и со себе повлече десетици возила. Несреќата предизвика жестока дебата во јавноста за безбедноста на мостовите во Италија , но и во повеќе други земји.
Под истрага се и владини функционери од Министерството за транаспорт , соопштуваат од обвинителството . Тие се товарат за непридржување кон безбедносните стандарди , како и за ненамерно убиство.
Од компанијата Аутострада тврдеа дека секои три месеци вршат контрола на сите автопатишта , односно речиси на половина на патната инфраструктура со која менаџира оваа компанија.
на снимката од безбедносните камери се гледа моментот на уривањето на мостот кај Џенова.
