Американска помош од 1,1 милион долари за справувањето со Ковид-19


Владата на САД намени 1,1 милион долари за намалување на ширењето на вирусот Ковид-19 во Македонија. САД преку Американската агенција за меѓународен развој (УСИАД) ги обезбедуваат овие фондови до Светската здравствена организација и Детскиот фонд на Обединетите нации – УНИЦЕФ за имплементирање на активности за поддршка на напорите на властите за справување со Ковид-19.

УСАИД се во тесна координација со Владата на Македонија, меѓународните хуманитарни партнери и останатите засегнати страни за идетификување на областите кои се приоритетни.

-Во ова време на несигурност и вознемиреност, работењето заедно е поважно од кога и да е. Уверена сум дека поддршката обезбедена со овој пакет помош ќе даде одржлив придонес во борбата на Македонија против Ковид-19, изјави американската амбасадорка во земјава, Кејт Мери Брнз.

Со американската помош поддршка ќе се даде на зајакнување на лабораториите за подготовка на лаборатирксиот систем за спроведување на повеќе тестови за Ковид-19, мониторинг и брз одговор на случаите на Ковид-19 и соодветен надзор на заболените. Помошта е насочена и кон обуки и екипирање на тимовите за брз одговор при истражувањето на случаите, едукација на граѓаните за чекорите што можат да ги преземат за да го спречат и одговарат на ширењето на вирусот преку специфични медиумски кампањи, подобрување на менаџментот на случаите заради зајакнување на клиничната грижа со минимизирање на ризиците за натамошно пренесување на други, како и за превенција на заболувањето и зголемувањето на контролата во здравствените установи.

Во изминатите 20 години, како што се наведува во соопштението на УСАИД, САД инвестирале околу 11,5 милиони долари во здравствениот сектор на земјава.

Share Button
MK News

Автор инфо

No comments yet.

Остави коментар

UA-33057274-1