Брисел: Попладне најавена средба Заев- Хан


Претседателот на Владата на Република Македонија Зоран Заев денеска и утре (16 и 17 октомври), ќе престојува во работна посета на институциите на Европската Унија во Брисел, соопшти владината прес служба.

Премиерот Заев, заедно со заменик претседателот на владата задолжен за европски прашања Бујар Османи и со министерот за надворешни работи Никола Димитров попладне ќе остварат средба со комесарот за проширување и соседска политика во Европската Комисија, Јоханес Хан.

Веднаш после средбата која почнува во 16.30 часот, во зградата на Европската Комисија премиерот Заев и еврокомесарот Хан ќе дадат изјави за медиумите.

Делегацијата на Владата на Република Македонија, предводена од премиерот Заев потоа ќе има средба со претседателот на Европскиот парламент Давид Мариа Сасоли и со претседателот на Европскиот совет Доналд Туск.

Во текот на утрешниот ден, претседателот на Владата на Република Македонија ќе оствари средба со потпретседателот на Европската Комисија Франс Тимерманс.

MK News

Автор инфо

No comments yet.

Остави коментар

UA-33057274-1