Јавниот обвинител Љубомир Јовевски на денешната прес-конференција заедно со обвинителката Вилма Рускоска, која го води предметот „Рекет“ рече дека ЈО „утврди дека основите за сомневање се издигнаа на основано сомневање дека јавниот обвинител (К.Ј. н.з.) сторил кривично дело злоупотреба на службена положба.
Јовевски рече дека јавниот обвинител донесе наредба под истрага да биде и Катица Јанева и е побарана мерка притвор..
„Од ноември 2018 до април 2019 еден од осомничените преку претходни пријателски односи влијаел да се изврши службено дејствие кое не смеело да се случи“, рече Јовески.
Како што соопшти ОЈО на денешната прес-конференција, Јанева стекнала имотна корист од 298 илјади денари, односно, еден од осомничените за неа набавил мебел и облека.
Според обвинителите од СЈО е одземен службенот компјутер на Јанева, а се врши претрес и во нејзиниот дом.
