Четири лица се повредени во експлозија и пожар во новата ковид болница во Клиничкиот центар во Ниш.
Како што јавува белградска ТВ Н1, повредени се тројца медицински работници и еден пациент.
До пожарот е дојдено кога експлодирала боца со кислород и тој бил брзо изгаснат. Истрагата се уште е во тек и повеќе информации ќе бидат достапни подоцна.
Во последните 24 часа во Србија на коронавирусот се тестирани 13.429 лица, од кои 4.995 се позитивни, а 31 лице починало.
Ова е рекорден број на починати во еден ден од ковид-19, од почетокот на епидемијата на коронавирусот во Србија.
Според последните податоци на српското министерство за здравство и Институтот „Батут“ на респиратори во здравствените институции низ Србија се наоѓаат 212 пациенти. Тоа што дополнително загрижува е дека се хоспитализирани рекордни 6.214 лица.
Како што изјави градоначалникот на Белград, д-р Зоран Радојичиќ, утре ќе биде одржан кризен штаб на Градот Белград, а главна тема ќе биде функционирање на градскиот превоз, но и спречување на домашни забави.
