Нуредини: Се извинувам што не застанав да одговорам на прашањата- дојдов да придонесам, не да бегам


Мило ми е што луѓето го знаат моето семејство, моето семејство е многу отворено. Мислам дека луѓето бидејќи го знаат мојот татко, имаат и импресии за тоа кој сум, вели министерот за животна средина и просторно планирање, Насер Нуредини во емисијата 360 Степени на Алсат.

„Албанскиот ми е мајчин јазик и го зборувам, но не толку течно колку што сакам. Го разбирам Македонскиот, го учам интензивно, се надевам дека наскоро ќе можам да го зборувам течно. На почеток ми беше предизвик да ги читам документите, имам добар тим околу мене кој ми помага“, рече тој на прашање дали ги разбира Македонскиот и Албанскиот јазик.

Вели, сакал да биде транспарентен најмногу што може.

„Можеби не го направив тоа, не застанав да одговорам кога ме прашуваа за загадувањето, јас искрено се извинувам, дојдов да придонесам, не да бегам. Можеби станува збор за културолошки разлики, но разбирам дека луѓето се заинтересирани за тоа што се случува. Ако е желбата, ќе излегувам во јавност, но сакам да го сторам тоа кога ќе има вистински резултати. Најголем проблем имав да се прилагодам на јавната администрација, не ми требаше време да се прилагодам на културата“, рече Нуредини.

Според министерот, мора сите да размислуваат за одговорноста за животната средина.

Share Button
MK News

Автор инфо

No comments yet.

Остави коментар

UA-33057274-1