Сите ќе ве ликвидираме. Сакаме наша држава. Со овие зборови 40тина терористи со маски на УЧК утрово околу 2:30 часот ја нападнале караулата во Гошинце, јавува МВР. Според информациите од полицијата, станува збор за добро вооружена група која комуницирала на албански јазик. Заробиле 4 полициски службеници и им ги врзале рацете со лисици, а едниот полицаец бил и удиран.
Терористички напад врз полициската станица во Гошинце, општина Липоково, се случил ноќеска во 2 часот и 30 минути, потврди Министерството за внатрешни работи. Како што појасни портпаролот на МВР Иво Котевски, вооружена група од Косово ја нападнала караулата во Гошинце
Еден од терористите преку преведувач им се обратил.
„ Ние сме од УЧК. Пренесете дека ни Ахмети ни Груевски може да ве спаси. Не сакаме охридски договори, никој не смее да дојде. Сите ќе ве ликвидираме. Сакаме наша држава.“ – рекол терористот.Потоа им дале клучеви на полицајците да се одврзат и им рекле дека имаат половина час за да си заминат бидејќи во спротивно ќе ги ликвидираат. Им ги искршиле радиостаниците.
Еден полицаец зел клучеви и ги одврзал колегите и пеш заминале кога слушнале долг рафал од автомат. Според првични информации се работи за лица од Косово. МВР презема мерки за расчистување на случајот.
Во моментов полицајците се безбедни а полициската караула е ослободена
Од МВР велат дека Македонија и нејзините институции биле цел на терористички напад.
One Response to “„Сакаме наша држава сите ќе ве убиеме“ – Детали за инцидентот во Липково”