Александар Митровиќ, 20-годишниот син на сопственикот на ТВ Пинк, Жељко Митровиќ, според пишувањата на српските медиуми, усмртил малолетна девојка на пешачки премин во Белград кога на неа налетал со Џип во сопственост на телевизијата вчера околу полноќ.
По несреќата, побегнал од местото на настанот.
Меѓутоа, во раните утрински часови, заедно со својот татко сепак се појавил во полициската станица во Белград.
“Мојот син убил девојка и побегнал”, им кажал Митровиќ на полицајците кои потоа земале и изјава од неговиот син, пренесува Alo.rs.
Несреќата се случила на пешачки премин, а 17-годишната девојка починала на самото место. По несреќата со смртни последици, возачот побегнал во непознат правец.
Инаку, Александар е син на Жељко од првиот брак со Соња Митровиќ Хани, а возачкиот испит го положил минатата година.
2 Responses to “Синот на газдата на Пинк убил малолетничка на пешачки и избегал – таткому го однел во полиција”