Вишиот суд во Белград му одреди 30 дена притвор на Шефшет Демировски, сопственик на фабриката за наменска индустрија, АТС ГРОУП од Визбегово крај Скопје.
Тој и уште тројца српски државјани се осомничени за купопродажба на документација која се води како воена тајна, а се однесува на машини за правење на куршуми за снајпер.
Притворот им е одреден поради опасност од бегство и влијание на сведоци, пренесува РТС.
Српската Бебедносно информативна агенција(БИА), вчетра го уапси македонскиот државјанин Шефшет Демировски, сопственик на фабриката за наменско производство во Скопје-АТС ГРОУП, во хотел во Белград за време на примопредавање на украдена документација од српската фабрика за наменско производтсво ,,Први Партизан“ од Ужице.
Како што објави српската полиција, македонскиот државјанин е обвинет за поткуп од најмалку 30.000 евра за добивање на воено-техничка документација за машина за производство на муниција и оружје, која ја изнеле од фабриката тројца нејзини вработени, од кои еден пензиониран инженер.
