Две деца и нивната мајка се тешко повредени во сообраќајна несреќа што се случила попладнево кај село Сирково, на патот Градско- Прилеп.
Во тешката сообраќајка која се случила пред бензинската станица кај Сирково, според полицијата, учествувале 3 патнички моторни возила од кои едното престигнувало друго возило и директно удрило во третото кое доаѓало од спротивната насока.
Двете малолетни лица со тешки телесни повреди се препратени на скопските клиники, соопштија од МВР.
Машкото со скршеница на натколеница е на Детска хирургија , а за девојчето во тек се испитувањата во Ургентниот центар. Мајката е исто така примена на Ургентен со тешки повреди .
Сообраќајката се случила пред бензинската станица кај Сирково, а во неа учествувале 3 автомобили од кои едниот престигнувал друго и директно удрил во третиот автомобил што доаѓал од спротивната насока.
